វិធីសាស្រ្តតំឡើងរន្ទា
អគោលការណ៍គ្រឹះ
អ្វីទៅហៅថាអក្នតម្លើងរន្ទា?
ការប្រើដែកទីប ក្រចាប់ និងសំភារៈដទៃទៀតតម្រៀបតម្លើងជាផ្ទៃរាបស្មើ
បង្កាន់ដៃសវត្ថិភាពជារាងប្រអប់ជ្រុង ជាទម្រសម្រាប់ការងារសាងសង់ ការងារតុបតែង
និងការតម្លើងបរិក្ខារ
ផ្សេងៗហៅថា
រន្ទា។ ចំនែកអ្នកដែលតម្លើងរន្ទា និងរុះរើររន្ទាហៅថា អ្នកតម្លើងរន្ទា។
ការងារ និងតួនាទីរបស់អ្នកតម្លើងរន្ទា៖
អ្នកសាងសង់ត្រូវការធ្វើការនៅលើរន្ទា យោងសំភារៈ
និងដាក់សំភារៈលើរន្ទា ដូច្នេះការ
តម្លើងរន្ទាត្រូវអនុវត្តទៅតាមបច្ចេកទេសអោយបានរឹងមាំ ទើបអ្នកសាងសង់មានសុវត្ថិភាព
ក្នុងការងារអនុវត្តនៅទីខ្ពស់។ អាស្រ័យហេតុនេះ
តួនាទីរបស់អ្នកតម្លើងរន្ទាគឺសំខាន់ណាស់។
តើត្រូវធ្វើដូម្តេចដើម្បីក្លាយខ្លួនជាអ្នកតម្លើងរន្ទាដ៏ឆ្នើម?
ដើម្បីក្លាយខ្លួនជាអ្នកឯកទេសតម្លើងរន្ទាត្រូវមានគុណធម៌ក្នុងការងារ
ត្រូវតែរៀនសូត្រក្តាប់អោយបាននូវទ្រឹស្តី ចេះមើលនូវគំនូសប្លង់ងាយៗ
ជាពិសេសពេលធ្វើការចេះទទួលខុសត្រូវនិងយកចិត្តទុកដាក់និងការងារមិនធ្វែសប្រហែស
បើមិនចេះត្រូវអត់ធ្មត់សួរអ្នកបច្ចេកទេស។
ការវិវត្តន៍នៃរន្ទា៖
យោងទៅតាមការវិវត្តន៍នៃបច្ចេកវិទ្យា
រន្ទាក៏វិវឌ្ឍន៍មិនឈប់ឈរ រហូតដល់ការប្រើប្រាស់រន្ទាឈើ ឬ
ឬស្សីសឹងតែជំនួសទាំងស្រុងដោយរន្ទាដែកវិញ។ អគារខ្ពស់ៗ
បច្ចុប្បន្នតម្រូវអោយមានការសិក្សារិះរកប្រភេទរន្ទាថ្មីៗ។ ដូច្នេះ
អ្នកឯកទេសតម្លើងរន្ទាក៏ត្រូវក្រេបជញ្ជក់នូវបច្ចេកទេសថ្មីៗ
ដើម្បីបង្កើននូវសមត្ថភាពរបស់ខ្លួនអោយស្របទៅតាមការរីចម្រើននៃរន្ទា។
គោលការណ៍សុវត្ថិភាព និងភាពឆ្លាតវៃការអនុវត្តន៍ការងារការដ្ឋាន
គោលការសុវត្ថិភាពក្នុងការដ្ឋានសាងសង់៖
ក-ហាមពាក់អាវវាលក្លៀក ខោខ្លី
ស្បែកជើងផ្ទាត់ចូលក្នុងការដ្ឋាន ត្រូវពាក់មួកសុវត្ថិភាពនិងស្បែកជើងសុវត្ថិភាព
ឬស្បែកជើងសម្រាប់ការដ្ឋាន។
ខ-ត្រូវពិនិត្យមើលនូវការងារសុវត្ថិភាពមុនពេលចាប់ផ្តើមការងារ
និងត្រូវអនុវត្តន៍អោយបានខ្ជប់នូវលក្ខខ័ណ្ឌសុវត្ថិភាព។
គ-ពេលធ្វើការនៅទីខ្ពស់ហាមបោះសំរាម
ឧបករណ៍ឡើងលើ ឬបោះចុះក្រោមត្រូវប្រយ័ត្នប្រយែងសំភារៈ ឧបករណ៍ធ្លាក់ពីរន្ទា ឬ
ពីជណ្តើរទីខ្ពស់របួសអ្នកនៅពីក្រោម
ពិសេសជៀសវាងការគរគំនរទីបខ្ពស់ពេកអាចបណ្តាលអោយរមៀលធ្លាក់។
ឃ-ត្រូវប្រយ័ត្នបំផុតនូវសុវត្ថិភាពពេលធ្វើការងារផ្តុំគ្នានៅកន្លែងតែមួយ។
ង-ត្រូវកំណត់ទីតាំងការដែលពាក់ព័ន្ធនិងភ្លើង
(កន្លែងផ្សារ) និងត្រូវដាក់អ្នកជំនាញ
ព្រមទាំងឧបករណ៍ពន្លត់អគ្គីភ័យនៅទីនោះផងដែរ។
ច-ត្រូវរក្សាទុកនូវគ្រៀងចក្រ
ម៉ាស៊ីនអោយបានត្រឹមត្រូវ និងត្រូវត្រួតពិនិត្យមើលជាប្រចាំ
ពិសេសពេលបញ្ជាគ្រឿងចក្រទាំងនោះត្រូវគោរពតាមច្បាប់។
ឆ-ហាមមនុស្សចូល
ឬឆ្លងកាត់តំបន់ស្ទូចសំភារៈ ពិសេសឈរពីក្រោមដៃ ឬដងសន្ទូច។
ជ-ពេលធ្វើការយប់នៅក្នុងលូ ប្រឡាយ
អណ្តូងដែលងងឹតត្រូវមានឧបករណ៍បំភ្លឺ និងឧបករណ៍សំរាប់ដកដង្ហើម
ដូចជាអំពូលបំភ្លឺផ្លូវ ម៉ាស់ការពារ សំពាធភ្លើងមិនត្រូវលើស ១៦
វ៉ុលជាពិលេសភ្លើងបំភ្លឺដែលបង្គប់ក្នុងរបសដែលរលាយ សំពាធភ្លើងមិនត្រូបលើសពី ១២
វ៉ុលទេ។
ការបង្រៀនចំណេះដឹងសុវត្ថិភាពដល់កម្មការ៖
ការបង្រៀនចំណេះដឹងសុវត្ថិភាពដល់កម្មការ៖
ក-ត្រូវព្យាយាមរៀន
គោរពម៉ីងម៉ាត់បទបញ្ជាសុវត្ថិភាព
ត្រូវមានស្មារតីគោរពគោលការណ៍សុវត្ថិភាពផ្សេងៗដោយខ្លួនឮឯង។
ខ-ត្រូវសកម្មចូលរួមរៀនសូត្រពីសុវត្ថិភាព
យកចិត្តទុកដាក់គោរពសុវត្ថិភាព មិនត្រូវល្មើស ការណែនាំពីបុគ្គលិកសុវត្ថិភាព។
គ-ត្រូវផ្សព្វផ្សាយនូវស្មារតីសាមគ្គី
ចេះជួយគ្នា ចេះដាស់តឿនគ្នា ចេះជួយមើលគ្នា បញ្ជាការងារដោយប្រុងប្រយ័ត្ន
ពិសេសត្រូវចេះណែនាំកម្មករចូលថ្មីពីចំនេះដឹងសុវត្ថិភាព ចេះថែរក្សាបរិក្ខាសុវត្ថិភាព
និងការពារឧបករណ៍ទាំងនោះ ព្រមទាំងប្រើប្រាស់អោយបានត្រឹមត្រូវ។
ឃ-នៅពេលកើតគ្រោះថ្នាក់
ត្រូវរក្សាស្ថានភាពនៅការដ្ឋាន និងរាយការណ៍ទៅថ្នាក់លើជាបន្តាន់
គ្រោះថ្នាក់ដែលងាយកើតឡើង៖
គ្រោះថ្នាក់ដែលងាយកើតឡើង៖
ក-ពេលភ្លៀងការដ្ឋានងាយលិចទឹក បាក់រលំ
ធ្លាក់របស់របរ រន្ទះ និងគ្រោះថ្នាក់ចៃដន្យ
ផ្សេងៗ។ ចំណែកពេលអាកាសធាតុក្តៅការធ្វើការក្រោមកំដៅថ្ងៃអាចក្តៅខ្លួន
ការធ្វើការក្នុងបន្ទប់ឬធ្វើការជាមួយលោហៈធាតុរលាយអាចបណ្តាលអោយខ្យល់គ
និងឆក់ខ្សែភ្លើង។
ខ-ពេលធ្វើការទីខ្ពស់ងាយបាក់ធ្លាក់
ធ្វើការក្នុងរណ្តៅងាយបាក់រលំ ធ្វើការពេលយប់ក្រោយម៉ោង ១២
ងាយកើតគ្រោះថ្នាក់ជាងការងារមុនពេលយប់ម៉ោង ១២ ពិសេសគ្រោះ ថ្នាក់ងាយកើតពេលបញ្ជាប់ការងារបិទការដ្ឋាន។
គ-ពេលឈប់សំរាកបុណ្យទាន មុន
និងក្រោយពេលត្រលប់ទៅស្រុកកំណើតការងារ ដែលធ្វើបង្ហើយ និងការងារបោសសំអាត
គីសុទ្ធតែងាយកើតនូវគ្រោះថ្នាក់ ព្រោះអារមណ៍ពុះកញ្រ្ជោល មិនដកជាប់ការងារ។
ឃ-កម្មករចូលថ្មីមិនសូវយល់ដឹងពីសុវត្ថិភាពក្នុងការងារ
ងឿងឆ្ងល់ច្រើន តែធ្វែសប្រហែសនិងការងារគឺសុទ្ធតែបណ្តាលអោយមានគ្រោះថ្នាក់។
ការអនុវត្តន៍ការងារដោយភាពឆ្លាតវៃ៖
ក-ការដ្ឋានត្រូវសំអាតជានិច្ច
កុំអោយមានទឹកដក មិនត្រូវមានសំរាម កាកសំណល់គរទុក ក្នុងការដ្ឋានឡើយ
សំភារៈសាងសងត្រូវរៀបចំទុកដាក់អោយមានសណ្តាប់ធ្នាប់។
ខ-មិនត្រូវបណ្តោបង់ផ្តេសផ្តាសក្នុងការដ្ឋានឡើយ
ត្រូវបែងចែកកន្លែការដ្ឋាន និងកន្លែងស្នាក់នៅអោយបានច្បាស់លាស់។
គ-ទាំងខាងក្នុង
និងខាងក្រៅនៃកន្លែងស្នាក់នៅត្រូវតែស្អាត មានអនាម័យ គ្មានទឹកដក់ មានខ្យល់អាកាសចេញ-ចូល ពិសេសមិនត្រូវចោលក្រដាស ឬសំរាមពាសវាលពាសកាល។
ឃ-បន្ទប់នៅកន្លែងការដ្ឋានត្រូវមានអ្នកសំអាត
ព្រមទាំងបំពាក់នូវឧបករណ៍ដេញមូស រុយ និងសត្វល្អិត បង្គន់នីមួយត្រូវមានគំរប។
ង-ត្រូវគោរពដាច់ខាតនូវគោលការណ៍គ្រប់គ្រងការដ្ឋាន
លុបបំបាត់នូវការធ្វើការ ដោយឆេវឆាវ ត្រូវថែរក្សាសម្បត្តិរួម និងប្រមូលផ្តុំសំភារៈដែលនៅរាត់រាយ។
No comments: